Tre britanikë, mes tyre edhe një nënë të re rrezikojnë të dënohen dhe të vuajnë dënimin me burg në vendin tonë, të dyshuar si pjesë e grupit kriminal që ekzekutuan biznesmenin nga Lezha, Ardian Nikulaj. “Daily Mail” shkruan se hetuesit shqiptarë pretendojnë se tre britanikë ishin të përfshirë në vrasjen e Nikuljat. Edmond Haxhia, me banim në Midlands, shkruan media britanike, kontaktoi me Harriet Bridgeman, Steven Hunt dhe Thomas Mithan për të kryer vrasjen e biznesmenit në Lezhë. Autoritetet shqiptare kërkojnë që të ekstradojnë tre britanikët për t’u gjykuar për vrasje në Shqipëri”’, vijon më tej tabloidi britanik. Nëse shpallen fajtorë, ata përballen me një minimum prej 31 vitesh burg. Ndërkohë, ekzekutori portugez i biznesmenit Ardian Nikulaj është arrestuar në Marok në fillim të muajit maj. Ruben Saraiva u prangos pas një bashkëpunimi mes policisë shqiptare dhe agjencive ligjzbatuese ndërkombëtare.