Dritan Rexhepi dhe Aldo Majnishta, të cilët janë marrë të pandehur për rrëmbimin, vrasjen dhe zhdukjen e trupit të Jan Prengës, kanë refuzuar thirrjen e Gjykatës së Posaçme për tu paraqitur që të dëshm,ojnë në procesin gjyqësor, të ndarë për Altin Hajrin i cili po gjykohet në mungesë. Mësohet se ata nuk kanë pranuar të vijnë nga paraburgimi ku ndodhen në Fier, për të dëshmuar, teksa ishin në listën e personave të kërkuar nga SPAK që të pyeteshin. Seanca u shty për një datë tjetër. Rreth dy muaj më parë, Dritan Rexhepi dëshmoi në GJKKO, se nuk e njihte Gentian Funiqin një nga të akuzuarit në këtë çështje, madje ka mohuar çdo lidhje me të.