Maqedonia e Veriut do të mbajë këtë të dielë zgjedhjet lokale. Në të gjithë vendin ka nisur heshtja zgjedhore ndërsa kanë hedhur votën personat e pafuqishëm, ata me masa sigurie arrest shtëpie, të burgosurit dhe personat në azile. Të drejtën e votës në këto zgjedhje e kanë 1.8 milionë qytetarë. ata do të votojnë për 80 komuna plus qytetin e shkupit, ku do të zghedhin njërin mes 309 kandidatëve, s inga radhët e partive politike ashtu dhe ata të pavarur, shumica dërrmuese e të cilëve janë burra, vetëm 10 për qind gra. Në rundin e parë duhet të zgjidhen të gjithë anëtarët e këshillave komunale. ndërkohë për t’u zgjedhur kryetar komune në rundin e parë, kandidati duhet t’i marrë mbi 50 për qind të votave. Nëse asnjë kandidat nuk e arrin këtë, rundi i dytë do të mbahet më 2 nëntor, mes dy kandidatëve me më së shumti vota nga rundi i parë. Partia më e madhe në koalicionin qeverisës, VMRO-DPMNE e krahut të djathtë, e cila i fitoi zgjedhjet e vitit të kaluar, është gjithashtu në krye të garës për zgjedhjet lokale të kësaj fundjave. Opozita, Lidhja Socialdemokrate (LSDM), vazhdon të përballet me krizë të brendshme pas disfatës së rëndë në zgjedhjet parlamentare të majit 2024. Megjithëse opozita këmbëngul se popullariteti i VMRO-DPMNE po bie dhe se sondazhet tregojnë se partia mban një epërsi të konsiderueshme. Zgjedhjet lokale të 19 tetorit do të jenë të tetat që nga pavarësia e Maqedonisë së Veriut në vitin 1991.