Entuziasmi i Zegjine Çaushit për të qenë pjesë e Kuvendit do të shuhej brenda pak javësh. Pas rinumërimit të votave në Fier, kandidatja e spikatur për videot komike, e cila prej disa ditësh po merr leksione nga xhaketat e vjetra të Partisë Socialiste, humbi mandatin e deputetes. Hapja e kutive tregoi se në favor të Çaushit ishin llogaritur 48 vota të pamerituara të cilat ju hoqën, ndërsa kandidates së majtë, Maldrita Bardhos, e cila pati një diferencë shumë të ngushtë votash me Zegjine Çaushin pas 11 majit; iu shtuan 26 vota pas rinumërimit. Kjo bëri që panorama të ndyshonte dhe drejt Kuvendit të shkojë në muajin shtator Maldrita Bardho.