Bashkia e Tiranës organizoi shortin publik për përzgjedhjen e njësive të reja të banimit dhe tregtimit, në pallatet e ndërtuara në lagjen e re Kombinat, për sistemimin e subjekteve përfituese nga programet e rindërtimit dhe përfituesit e shpronësimit me shkëmbim. Procedura e hedhjes së shortit dhe përzgjedhjes së njësisë së banimit apo bizneseve në objektet e reja, u bë sipas parashikimeve të rregullores së miratuar për mënyrën e zhvillimit të procedurës së shorteut publik dhe të hapur, në kuadër të procesit të rindërtimit. Bashkia e Tiranës thotë se ka mbajtur premtimin për banorët e Kombinatit, që do të festojnë vitin e ri në banesat e tyre të reja. Sipas Bashkisë, lagjja e re në Kombinat do të kthehet në një qendër të re urbane, me apartamente cilësore, njësi shërbimesh tregtare, shkolla, kopshte, çerdhe, godina institucionesh e parqe.