Zv.kryeministri në detyrë I Kosovës, Besnik Bislimi është takuar këtë të hënë me të dërguarin e Bashkimit Evropian për dialogun mes Kosovës dhe Serbisë, Peter Sorensenin. Diplomati I BE, përmes një postimi në X, shkroi se takimi me Bislimin u zhvillua “në kuadër të përgatitjeve për një takim trepalësh”. Diskutuam për një gamë të gjerë çështjesh të rëndësishme për normalizimin e marrëdhënieve me Serbinë. Planifikojmë të organizojmë së shpejti një takim trepalësh”, shkruan Sorensen.