Fushata e Joe Biden është mbështetur financiarish nga ish-presidenti amerikan Barack Obama, i cili ka mbledhur afërsisht 4 milionë dollarë nga donatorët, raporton CNN. Konkursi “Meet the Presidents”, ishte një garë për të takuar Obamën dhe Presidentin Joe Biden nga ku u grumbulluan 2.6 milionë dollarë për fushatën. Dy presidentët u takuan me fituesen e konkursit, Cynthia Driscoll dhe djalin e saj Nicholas, në fillim të këtij muaji. Burimet për CNN konfirmojnë se ekipi i Biden synon një objektiv prej rreth 67 milionë dollarë për tremujorin e katërt të mbledhjes së fondeve, i cili përfundon më 31 dhjetor. Kjo strategji përputhet me atë të Obamës në fushatën e tij për t’u rizgjedhur president në 2011. Fushata e Biden mblodhi 71 milionë dollarë në tremujorin e tretë të mbledhjes së fondeve, duke ia kaluar Trumpit dhe kandidatëve të tjerë republikanë presidencialë. Duke u mbështetur në popullaritetin e konkursit për të takuar Biden dhe Obamën, fushata ka zhvilluar edhe konkurse të tjera për të takuar Biden dhe zonjën e parë Jill Biden, si dhe një konkrus për kafe me Biden dhe Harris. Konkursi "Meet the Presidents" filloi në gusht në ditëlindjen e Obamës dhe zgjati deri në shtator. Pamjet: AFP