Reshjet e dendura të shiut pritet të pushtojnë Shqipërinë ditën e mërkurë, gjatë orëve të pasdites. Sipas meteorologes Tanja Porja, vendi ynë parashikohet që të dominohet nga moti i qëndrueshëm gjatë paradites duke sjellë, kthjellime dhe kalime vranësirash në pothuasje gjithë territorin. Ndërsa orët vijuese gradualisht do të shtojnë vranësirat në të gjithë vendin, ku pasditja dhe mbrëmja do të sjellin reshje të dendura shiu në zonat veriperëndimore të Shqipërisë. Reshjet pritet të jenë prezente gjithashtu gjatë gjithë ditës së enjte. Temperaturat e ajrit do të vijojnë të ulen në mëngjes, por do të mbeten konstante në mesditë duke luhatur vlerat ditore nga 3°C deri në 18°C. Era do të fryjë e lehtë dhe mesatare me shpejtësi 40 km/h kryesisht nga drejtimi jugor duke krijuar në brigjet detare dallgëzim 3 ballë.