Njësia Elite RENEA po përfaqëson Shqipërinë në një nga kompeticionet më prestigjioze ndërkombëtare të forcave speciale, “SwAT Challenge Dubai 2026”, që po zhvillohet në Emiratet e Bashkuara Arabe. Për të pestin vit radhazi, Policia e Shtetit merr pjesë në këtë garë të nivelit të lartë, këtë herë e përfaqësuar nga dy ekipe konkurruese: RENEA “A” dhe RENEA “B”. Në ditën e tretë të garave, të dy ekipet RENEA po demonstrojnë profesionalizëm të lartë, përgatitje intensive dhe përmbushje të standardeve ndërkombëtare, në një kompeticion ku marrin pjesë rreth 50 shtete me 109 ekipe të forcave speciale nga e gjithë bota. “SwAT Challenge Dubai 2026” konsiderohet një nga sfidat më të rëndësishme globale për njësitë elitare, ku maten aftësitë taktike, operacionale dhe fizike të forcave speciale më të mira në botë.