Nuredin Dumani është vënë në pranga mbrëmjen e kësaj të marte, si I dyshuari kryesor i atentatit me armë zjarri ndaj automjetit BMË me targa të vjedhura në Elbasan. Pas një operacioni masiv policor mes forcave RENEA dhe policisë së Fierit, efektivët bënë të mundur arresitmin e Dumanit, ndërsa ky I fundit është shoqëruar në komisariat për tu marrë në pyetje në lidhje me ngjarjen që tronditi qytetin e Elbasanit mbrëmjen e kësaj të marte. Nga ana tjetër , shenjestra e atentatit dyshohet të jetë Talo Cela, autori i ngjarjes së 09 prillit 2019, ku disa persona të maskuar grabitën një shumë të madhe parash në aeroportin Nënë Tereza në Rinas. Mirëpo, ky detaj nuk është konfirmuar nga policia e shtetit. Dyshimet ngrihen për Celën, pasi Nuredin Dumani në vitin 2020 ekzektuoi me armë zjarri vëllain e Talo Celës, Bujarin. Gjykata e Rrethit Gjyqësor Elbasan në vitin 2020 caktoi masën e sigurisë "Arrest me burg", për shtetasin Nuredin Dumanin, 37 vjeç, lindur në Dibër dhe banues në Durrës, për veprat penale "Vrasje me paramendim" e kryer në bashkëpunim dhe "Armëmbajte pa leje".