“Kosova e para në Evropë për pjesëmarrjen më të ulët të grave në tregun e punës”, është një nga përfundimet e publikuara në raportin e institutit GAP. Sipas raportit “Emigrimi dhe tregu i punës në Kosovë: Potenciali i papërdorur i fuqisë punëtore joaktive”, nga gjithsej 613,029 persona jo-aktiv në treg të punës në Kosovë, (66%) janë gra, ndërsa (34%) janë burra. Po ashtu, në raport thuhet se në nivel botëror, Kosova radhitet e pesta për pjesëmarrjen më të ulët të grave në treg të punës. Më tej në raportk, shtohet se sfidat që gratë hasin për të hyrë në treg të punës përfshijnë: detyrat e kujdesit për familjen, mungesën e kopshteve për fëmijë, mospërshtatjen në mes të aftësive të tyre dhe kërkesave të tregut të punës, mungesën e kontratave të punës formale, pagat e ulëta dhe hendekun gjinor të pagave, dhe tjera të ngjashme.