Bashkia e Tiranës ka nisur rehabilitimin e një blloku tjetër banimi në Njësinë 11, e populluar me pallate të vjetra dhe banesa private. Këto punime parashikojnë shtrimin e të gjitha rrugicave brenda tij, si dhe rrjetin e kanalizimeve dhe të ujësjellësit. Punimet u inspektuan nga kreu i Bashkisë së Tiranës Erion Veliaj, i cili deklaroi se ky projekti parashikon edhe rikuperimin e trotuarëve dhe të shesheve të zaptuara në këto 30 vite. “Në momentin kur cilësia e rrugës, ndriçimi led, infrastruktura e futur nën tokë përkon edhe me pallatet që janë estetikisht të pranueshme, unë besoj se rritet vlera e gjithë komunitetit. Njerëzit këtu vijnë nga të gjitha cepat e Shqipërisë dhe kanë mësuar bashkëjetesën, që pavarësisht nga vijnë, pavarësisht si i kemi kushtet, do të duhet të bashkëjetojmë dhe të punojmë për të mirën e komunitetit.