Ndonëse ka edhe 6 ditë nga përfundimi i afatit për regjistrimin e subjekteve politike në zgjedhjet e 11 majit, Partia Demokratike e Sali Berishës, Partia ‘Mundësia’ e Agron Shehajt, Partia Kristian Demokrate, Partia Konservatore, Partia e Legalitetit dhe ajo Demokristiane e Nard Ndokës, nuk kanë humbur kohë. 6 partitë opozitare kanë dorëzuar në Komisionin Qendror të Zgjedhejve kërkesat përkatëse për regjistrimin e tyre për 11 majin. Kërkesa është mban zotimin e kryedemokratit se strukturat e kësaj force politike do të refuzojnë të marrin pjesë në paligjshmëri si blerja e votës, apo financime të paligjshme. Kërkesa mban si vulë atë të Partisë Demokratike dhe nënshkrim fundor të Sekretarit të Përgjithshëm të kasaj force politike Flamur Noka. E njëjta formë janë edhe kërkesat e dorëzuara nga partitë e tjera. Kujtojmë se partia Mundësia e Agron Shehajt, nuk do të ketë nevojë të mbledhë firma për të marrë pjesë në zgjedhje pasi kreu i saj, është aktualisht deputet dhe rrjedhimisht subjekti i tij regjistrohet si subjekt parlamentar. Krahas afatit 25 shkurt për partitë politike, afati përregjistrimin e koalicioneve përfundon më 3 mars.