Organizata e Veteranëve të Luftës së Ushtrisë Çlirimtare të Kosovës ka reaguar pas vendimit të Dhomave të Specializuara në Hagë, të cilat kanë refuzuar shumicën e provave të paraqitura nga mbrojtja e Jakup Krasniqit, që sipas tyre dokumentojnë krimet e kryera nga forcat serbe gjatë luftës 98’-99’. Ky veprim, sipas organizatës, është i papranueshëm dhe përbën një tjetër dëshmi të qasjes së njëanshme të gjykatës speciale. Në reagim më tej, thuhet se Haga po përpiqet ta paraqesë luftën çlirimtare të popullit të Kosovës jashtë kontekstit të saj historik, duke mohuar krimet që sollën shkatërrim dhe gjenocid në vendin tonë.