Një njësi paraushtarake neo-naziste ka kërcënuar se do të ndalojë luftimet në fshatin “kritik” Robotyne, nëse Kremlini nuk do të lirojë themeluesin e tij nga paraburgimi finlandez, kanë thënë analistët ushtarakë. Sipas mediave të huaja, Yan Petrovsky, udhëheqësi i “Rusich”, një njësi e lidhur me Ëagner, u arrestua në Finlandë të premten me kërkesë të Ukrainës, sipas grupit dhe kanaleve të rrjeteve sociale të lidhura me Ëagner. Tani Rusich ka thënë se nuk do t’i mbrojë rusët derisa qeveria ruse ta bëjë këtë, duke e akuzuar atë për dështimin për të siguruar lirimin e Petrovsky. “Formacionet e parregullta ruse mbeten të gatshme të kërcënojnë të tërhiqen nga lufta në mënyrë të njëanshme, pavarësisht përpjekjeve të fundit të komandës ushtarake ruse për të spastruar dhe shtypur mosbindjen,” tha Instituti për Studimin e Luftës. Instituti me bazë në SHBA tha se Grupi Rusich ka të ngjarë të bazohet përgjatë frontit Robotyne-Verbove, në rajonin e Zaporizhzhias, ku Rusia “nuk mund të përballojë që asnjë njësi të rebelohet”. Byroja Kombëtare Finlandeze e Hetimit të premten kërkoi zgjatjen e paraburgimit të Petrovskyt, i cili përdor emrin Voislav Torden, mëm dyshimin për pjesëmarrje në aktivitetet e një grupi terrorist, si dhe për mbështetjen e terrorizmit, tha një zyrtar finlandez i gjykatës. Petrovsky është një aktivist i ekstremit të djathtë që ndihmoi në themelimin e Rusich si një njësi neo-naziste në hapat e fillimit të konfliktit në Donbas në 2014.