Trupa gjyqësore e Gjykatës së Lartë ka reaguar pas ngjarjes së rëndë të ndodhur në gjykatën e Apelit të Juridiksionit të Përgjithshëm ku mbeti I vrarë në sallën e gjyqit gjyqtari Astrit Kalaja dhe mbetën të plagosur Rakip dhe Ervis Kurtaj, babë e bir. Përmes një deklarate për shtyp, gjykata e lartë shpreh tronditjen dhe dhimbjen e thellë për ngjarjen tragjike ndërsa përcjell ngushëllimet më të sinqerta për familjen, të afërmit dhe kolegët e tij. “Kjo ngjarje e rëndë është një sinjal alarmi për gjendjen e sigurisë në të cilën ushtrojnë funksionin gjyqtarët e Republikës dhe për gjendjen shqetësuese të infrastrukturës në të cilën funksionojnë shumë prej gjykatave shqiptare. Në një shtet të së drejtës, gjyqtari duhet të ndjehet i mbrojtur dhe i respektuar në ushtrimin e detyrës së tij, jo vetëm nga pikëpamja fizike e infrastrukturore, por edhe përmes një klime publike të respektit dhe përmbajtjes në gjuhën që përdoret ndaj figurës së tij. Çdo formë denigrimi apo përbuzjeje ndaj gjyqtarit cenon autoritetin e drejtësisë dhe besimin e qytetarëve në shtetin ligjor.”, nënvizoi Gjykata e lartë që vlerëson se garantimi i sigurisë fizike e institucionale të gjyqtarëve është një përgjegjësi e drejtpërdrejtë shtetërore, që kërkon veprim të menjëhershëm dhe të qëndrueshëm. “Mbrojtja e gjyqtarëve është mbrojtje e vetë drejtësisë dhe e besimit të publikut tek shteti i së drejtës.”, mbyll deklaratën gjykata e Lartë, ndërsa në të njëjtën linjë qëndroi dhe Unioni i Gjyqtarëve të Shqiëprisë që theksoi se ngjarja