Vangjeli: “Fëmijët nuk mund të jenë të pasigurt…. shqiptarët nuk mund të jenë të pasigurt për papërgjegjshmërinë e shtetit..” Partia Demokratike kërkon që pushteti vendor të mbajë përgjegjësi për helmimin e fëmijëve në kopshtin shtetëror të qytetit të Gramshit, si pasojë e vezëve të kontaminuara me bakterin e salmonelës. Zëdhënësja për Antikorrupsionin, Genta Vangjeli deklaroi se kompania që furnizonte me ushqim kopshtin numër një në Gramsh, ishte dënuar në vitin 2018, me vendim të formës së prerë nga Gjykata e Apelit për Krimet e Rënda, për korrupsion në tenderat e zhvilluar nga Drejtoria e Përgjithshme e Burgjeve. Por, pavarësisht kësaj, në vitin 2023 bashkia e Gramshit përzgjodhi po të njëjtën kompani në procedurat e prokurimit.