Një vend të veçantë në raportin vjetor që u publiku këtë të enjte nga Kryeprokurori Olsian Çela zë edhe zë edhe çështja e ekstradimeve. Konkretisht në raport theksohet se gjatë vitit 2021 janë trajtuar gjithsej 117 praktika ekstradimi, për shtetas shqiptarë apo të huaj të cilët janë shpallur në kërkim ndërkombëtar nga prokuroria shqiptare. Këta shtetas kanë marrë një vendim penal dënimi të formës së prerë ose vendimi për caktimin e masës së sigurimit personal “arrest në burg” të dhënë nga gjykatat shqiptare. Këta shtetas janë arrestuar ose lokalizuar nga autoritetet policore të shteteve të huaja, duke iniciuar kështu procedurën e ekstradimit nga jashtë vendit për në Shqipëri. Nga të dhënat statistikore rezulton se, për periudhën raportuese janë përfunduar gjithsej 36 praktika ekstradimi.