Kryeministi Edi Rama po zhvillon një vizitë zyrtare në Japoni, në kuadër të 42-vjetorit të vendosjes së marrëdhënieve diplomatike mes dy vendeve. Kryeministri vijon vizitën zyrtare prej të hënës, teksa këtë të martë është takuar me Agjencinë Japoneze të Bashkëpunimit Ndërkombëtar, ku janë diskutuar një sërë projektesh me rëndësi. Po ashtu numri një I qeverisë shqiptare është takuar edhe me kryetarin e Federatës Japoneze të Biznesit me të cilin ka diskutuar për të arritur marrëveshje mbi investime japoneze në Shqipëri. Gjatë vizitës së tij zyrtare në Tokyo, Rama do të zhvillojë një sërë takimesh, në kuadër të forcimit dhe thellimit të bashkëpunimeve mes dy shteteve, duke rikonfirmuar miqësinë mes dy vendeve, si edhe angazhimin e ndërsjellë për zhvillimin e mëtejshëm të bashkëpunimit në përballimin e sfidave me të gjithë aleatët që ndjanë të njëjtin qëndrim.