Kryeministri Edi Rama nga Forumi I Sigurisë GLOBSEC 2024, i bëri thirrje Kosovës e Serbisë që të gjejnë rrugën e mirëkuptimit dhe dialogut, duke lënë pas të kaluarën. Sipas tij, Shqipëria nuk ka qenë kurrë më mirë dhe se përveç hendekut ekonomik, nuk sheh pengesë tjetër ndaj BE-së. SINK “Shqipëria është shumë e qartë. Shqipëria është në anën e paqes, të dialogut, të përparimit të përbashkët. Ne nuk duhet ta shohim të ardhmen me sytë e së shkuarës. Ne kemi promovuar paqen, dialogun me të gjithë. Mora nismën të vizitoj Serbinë pas 68 vitesh atje. Nuk kemi qenë kurrë më mirë si Shqipëri e shqiptar dhe si Ballkan Perëndimor. Nuk shoh ndryshim të madh mes nesh e BE-së, kemi hendek ekonomik, që duhet ta shohim dhe këtë. Por pjesën tjetër nuk shoh dallim. Ne kemi qenë e jemi europian” Ndërkohë Rama u ndal edhe tek ndikimet ruse në rajon, për çka theksoi se në Shqipëri e ka patur të pa mundur prej vitit 1990. Për këtë bëri thirrje që edhe Mali I Zi dhe Serbia të shkëputen nga Moska. SINK “Për shkak të historisë sonë, ne kemi qenë Koreja e Veriut e Europës. Praga për ne ka qenë e paarritshme sa Nju Jorku. Kur rusët e hoqën qafe Stalinin, ne e mbrojtëm atë. Ne ikim të fundit. Ne do jemi gjithmonë me ju. Nga 1990 deri më sot nuk ka pasur vizitë nga Moska dhe vizitë nga ne në Moskë. Ne nuk kemi gjë me Rusinë. Rusia nuk gjen dot spiunë që të na dëmtojnë ne. Rusia, përfshirje në politikën ne? Jo, ose pak, Rusia mund të ndërhyjë ne vende të tjera ballkanike. Vende si Serbia, Mali i Zi duhet të shkëputen nga ndikimi rus dhe kjo mund të arrihet me integrim. Rama komentoi edhe marrëveshjen me Italinë për emigrantët, për çka tha se nuk është kundërshtuar nga BE. Sipas tij, kjo marrëveshje vjen në dobi të një shteti mik anëtar I Bashkimit Europian.