Kryeministri Edi Rama ka premtuar rritje pagash në mandatin e tretë me 40% për mësuesit, bluzat e bardha dhe 30% për punonjësit e administratës publike. Ndërsa e ka bërë të qartë vendosmërinë për të mbajtur të pandryshuar pagat e ministrave e deputetëve deri në vitin 2025. “Jam unë i pari nuk janë mjekët e infermierët, as mësuesit e policët, që e di që nuk mjafton, e ndaj në mandatin e tretë pagat e mësuesve do të rriten edhe 40% më shumë dhe po ashtu 40% do rriten dhe të bluzave të bardha që kanë njohur rritjen më të lartë historike në këtë mandat të dytë të PS. 30% do rriten edhe pagat e punonjësve të administratës publike. Ndërkohë që pagat e qeveritarëve e parlamentarëve as janë rritur as do rriten asnjë qindarkë deri në 2025″. Kreu i qeverisë i ka bërë një thirrje bizneseve të vogla që të kenë kujdes nga premtimi i opozitës për taksat, duke theksuar se me partinë socialiste, Taksa për 100 mijë biznese të vogla do mbetet zero deri në 2029. Bizneset e vogla që deri në 2013 paguanin taksë të sheshte 10%, me përgjysmimin e taksës që ditën e parë të qeverisjes sonë u kemi kursyer 200 mln usd. Sot kur fantazma e taksës së sheshtë është rishfaqur të bëjnë kujdes shumë në 25 prill, ndërkohë që sot e kanë zero të kenë shumë kujdes, mos harroni se për ata që quheshin biznes i vogël deri në 80 mijë dollarë xhiro në vit e jo deri në 140 mijë dollarë xhiro si sot, pa harruar tvsh zero që keni sot deri në 100 mijë dollarë.Rrini drejt e na mbështesni në rrugën e re për ju me zero taksë se rruga e tyre e vjetër që ju ka cuar për dreq katër herë se jeni pikërisht ata që fitoni më pak, kurse këta janë ata që juve ju marrin me shumë, e më pak u marrin atyre që fitojnë më shumë, s’ka mundësi që këtë herë t’ju dalë për mirë, se prapë për dreq do dalë, nëse dilni nga rruga e re”. Duke thumbuar opozitën dhe koalicionin e tyre, Rama iu drejtua me një mesazh të gjithë elektoratit opozitar: “O njerëz a do e kuptoni apo jo e kur do e kuptoni, e kam me të gjithë ata që u venë atyre pas që këta s’janë as për ju e as për Shqipërinë por për xhepin e rrethin e tyre sic kanë qenë gjithmonë sa herë që u ka rënë Shqipëria në dorë dhe që e kanë cuar për lesh dhie.