Kryeministri Edi Rama ka reaguar në lidhje me rrëmbimin e tre policëve të Kosovës nga xhandarmëria serbe duke thënë se do të presë fjalën e KFOR-it. Në reagimin e tij të parë për këtë çështje, kreu i qeverisë shqiptare thotë se pret uljen e menjëhershme të tensioneve. Duke iu pergjigjur kritikave për reagimin e vonuar, Rama thotë se kush deklaron se ai po hesht, nuk e bën për Kosovën, por për luftë politike. “Kush thotë se po heshtim apo kush kërkon t’i hedhim benzinë zjarrit duke ngritur akuza ndërkohë që KFOR-i po investigon rastin, nuk do t’ia dijë as për Kosovën e as për Shqipërinë, po vetëm për luftën e stërhumbur politike me mua apo për politikën e luftës imagjinare me Serbinë, shkruan Rama. Kreu I qeverisë ka përkujtuar po ashtu Shqipëria është pjesë e NATO’s, aleancës euro-atlnatike që e bombardoi Serbinë. Po ashtu kreu I qeverisë thotë edhe njëhere sr Shqipëria ka të njëjtin qendrim me komunitetin ndërkombëtar për këtë situatë. “Prandaj më duhet edhe njëherë t’u kujtoj se Shqipëria është pjesë e bashkësisë euroatlantike dhe ka fiks të njëjtën linjë të kësaj bashkësie, e cila bombardoi Serbinë dhe krijoi shtetin e Kosovës! Ne presim fjalën e KFOR-it që po heton rastin dhe i qëndrojmë de-eskalimit imediat”, ka shkroi Rama në Tëitter.