Dy vite më parë, kuvendit i mjaftuan katër ditë për të zhveshur Berishën nga imuniteti parlamentar, por në rastin e Belinda Ballukut kërkohet më shumë kohë. Ky qëndrim i socialistëve, cilësohet në kundërshtim me rregulloren nga vetë kryedemokrati, i cili shprehet se shefi i ekzekutivit, Edi Rama po sfidon drejtësinë. Berisha: “Në qoftë se rregullorja e parlamentit parashikon se brenda dy javësh raporti i Këshillit të Mandateve paraqitet në parlament, unë u them sot se kanë kaluar 20 ditë nga data e dorëzimit në parlament të kërkesës së prokurorëve për heqjen e imunitetit dhe arrestimin e Lubi Ballukut për vepra të rënda penale, afera të cilat shkojnë me një dëm ndaj qytetarëve shqiptarë të barabartë me 1.2 miliardë euro. Edi Rama sfidon në këtë mënyrë, në një grusht shteti, qytetarët shqiptarë, të cilët presin me të drejtë dhe padurim të shohin para ligjit qeveritarët hajdutë që janë bërë milionerë dhe miliarderë me taksat dhe pasuritë e tyre.”