Kreu I grupit parlamentar të Partisë Demokratike, Gazment Bardhi, ka reaguar sërish lidhur me vendimin e maxhorancës socialiste për të mos pranuar ngritjen e dy komisioneve hetimore parlamentare, të kërkuara nga opozita. Në një postim në rrjetet sociale, Bardhi thekson se refuzimi për komisionet hetimore përfarsën zgjedhore të 11 Majit dhe aferën personale me “McGonigal”, është një akt antikushtetues që asgjeson një nga funksionet kryesore të Kuvendit – atë të kontrollit parlamentar. Sipas Bardhit “Përmes këtij akti Edi Rama nuk asgjeson vetëm të drejtat kushtetuese të opozitës, por vetë parlamentarizmin.” Kreu I krupit demokrat thekson se “Komisionet Hetimore parlamentare janë instrument i transparencës, jo i bllokimit politik”, teksa shton se PD kërkon standardet e BE, ku aspirohet të shkojmë, por po I jepet vendit vetëm imazh europian, ndërsa standardet janë afrikane. “Parlamenti nuk duhet të jetë vendi i propagandës së qeverisë, por vendi ku opozita kontrollon, kërkon llogari, nxjerr përgjegjësi. Opozita nuk do të bëhet kurrë një stoli e një bande që pasi asgjesuan zgjedhjet e barabarta dhe të lira, duan të asgjesojnë edhe Parlamentin.”, mbyll reagimin e tij Gazment Bardhi.