Kryeministri Edi Rama niset optimist drejt Brukselit ku do të mbahet konferenca e tretë me Shqipërinë, për çeljen e grupkapitullit të gjashtë që lidhet me marrëdhëniet me jashtë. Në pikëpamjen diplomatike, Shqipëria është e linjëzuar 100 për qind me politikën e jashtme me unionin europian. “Nesër kemi një tjetër moment shumë domethënës. Hapim një tjetër grup kapitujsh të negociatave. Kemi shumë besim se do ta kthejmë këtë moment pozitiv dhe të marrim sa më shumë nga BE në aspektin e negociatave dhe t’i mbyllim negociatat para sesa BE të kthehet në humorin e mëparshëm” Pas thirrjes së presidencës hungareze, Shqipëria e ka dorëzuar pozionin e saj negociues për kapiullin 31 që lidhet me politikën e jashtme, të sigurisë dhe mbrojtjes dhe kapitullin 30 që lidhet me marrëdhëniet me jashtë. Por, sipas legjislacionit në fuqi pozicioni negociues mbetet konfidencial deri në çeljen e negociatave nga Bashkimi Europian.