Kryeministri Edi Rama gjatë vizitës së tij në Bosnjë Hercegovinë, ka theksuar nevojën e bashkëpunimit rajonal në kuadër të Procesit të Berlinit. Nisur nga kjo, ai kërkoi lëvizje të lirë për shqiptarët e Kosovës, pasi sipas tij, këtë gjë e mundëson edhe Serbia, ndërsa Bosnja jo. Nga ana tjetër nuk është sekret që Republika e Shqipërisë mbron edhe interesat e shqiptarëve në Kosovë dhe në vende të tjera dhe unë ia thashë dhe kryeministres që ne jemi shumë të interesuar që marrëveshjet e Procesit të Berlinit dhe në radhë të parë marrëveshja për lëvizjen e lirë, me kartë identiteti për qytetarët shqiptarë të Republikës së Kosovës të mundësohet sepse është e pakuptimtë që ne të kemi problematika të kësaj natyre që zbresin deri në nivelin e qytetarëve, ndërkohë që politika duhet t’iu shërbejë në radhë të parë të gjithë qytetarëve pa dallim.