Kryeministri Edi Rama tha se Muzeu i Artit dhe Trashëgimisë Islame, një qendër e re kulture, që do të ndërtohet në një godinë historik në qendër të Tiranës, pritet të jetë gati brenda vitit 2030 . Muzeu do të vendoset në godinën e famshme të Sarajeve në qendër të Tiranës. besoj që jemi me fat që janë bashkuar këto forca dhe na jepet mundësia që këtë nismë ta materializojmë në këtë, pikërisht godinën, si bërthamë e muzeut të ri që siç e shtroi arkitekti, do të përbëhet nga kjo godinë dhe nga një godinë tjetër bashkëkohore, e për më tepër jemi me fat sepse jo vetëm që do të kthejmë në identitetin e vet të plotë edhe do të restaurojmë ashtu siç duhet godinën e Sarajeve, por e kemi mundësinë ta kemi këtë muze, mu në zemër të Tiranës. Projekti synon të shërbejë si një “gjerdan arti” bashkë me Teatrin dhe Galerinë, duke pasuruar ofertën kulturore të Tiranës dhe duke riafirmuar lidhjen e trashëgimisë islame me kulturën evropiane dhe mesdhetare. besoj që edhe lidhja e gjithë kësaj pjese me pjesën tjetër ku kemi Piramidën e më pas muzeun tjetër që është në ndërtim e sipër me koleksionin unikal të të ndjerit Artan Lame, na japin mundësi që ta shohim të nesërmen e Tiranës, të pasur me ‘’stacione’’ arti, me ‘’stacione’’ kulture, me ‘’stacione’’ historie, të cilat do të shkojnë duke u shtuar. Ajo që është e rëndësishme në këtë rast, është se ky është një ‘’stacion’’ kyç i historisë sonë, i historisë sonë si komb, i historisë së qytetit tonë, të kryeqytetit të Shqipërisë. Edhe më vjen shumë mirë që së bashku ta çojmë përpara këtë nismë edhe t'i vëmë qëllim vetes që deri në Shqipërinë 2030, se unë me atë e kam fiksimin, ju e keni me shekujt e kaluar, ta kemi të çelur derën e këtij muzeu.