Rrëzimi i padisë së Edi Ramës për shpifje ndaj Lulzim Bashës, ishte pikënisja e një reagimi të fortë që kreu i ekzekutivit pati ndaj gjyqësorit, ku kritikoi zvarritjen e dosjeve dhe cilësoi si të padrejtë kërkesën për pagat e magjistratëve. “Gjykata e Shkallës Parë Tiranë sot ka hedhur poshtë padinë time për shpifje ndaj Lulit në vitin 2018, për të cilën gjykatëses i janë dashur shtatë vjet që të dalë në konkluzionin se, unë “si paditës s’kam pësuar ndonjë dëm, pasi dhe aktualisht mbaj detyrën e kryeministrit dhe deklarata”, pra shpifja e Lulit “nuk ka ndikuar në perceptimin ndaj meje në publik”! Pra sipas gjykatëses, Luli s’ka shpifur përderisa shpifja e tij s’më ka larguar mua dot nga detyra!!!” – shkruan Rama duke ju referuar padisë lidhur me deklaratat e Bashës për përfshirje të eksponentëve të Partisë Socialiste në dosjen 339.