Rama: “Unë jam këtu për historinë dhe ne në këtë kohë po bëjmë histori.” Viti 2024 u mbyll me një bilanc qeveritar, që krahas skanimit të punës së bërë, dha edhe sinjale të politikës që do të ndiqet vitin e ardhshëm. Kreu i qeverisë, Edi Rama u shpreh se aktualisht ka një diferencim në nivelin e pensioneve, ku për të njëjtën kategori dhe të njëjtat vite pune, të ardhurat mujore janë të ndryshme për qytetarët që kanë dalë në pension para dhe pas vitit 2014. Kjo do të adresohet në një reformë pensionesh që do të ndërmerret nga qeveria.