Kryeministri Edi Rama dhe Presidenti i Francës Emmanuel Macron iu adresuan sot Forumit Ndërkombëtar FII (Future Investment Initiative), platforma globale që mbledh liderë politikë, drejtues të korporatave më të mëdha në botë për diskutimin e inovacionit, investimeve dhe të ardhmes së ekonomisë botërore, i cili për herë të parë në Europë, mblidhet në Shqipëri. Presidenti francez theksoi se Europa duhet të rrisë investimet publike dhe private në tri fusha të së ardhmes: mbrojtja, teknologjia e gjelbër dhe inteligjenca artificiale ndërkohë bëri thirrje për investime në Shqipëri. Këtu në Shqipëri, qartësisht keni në fakt pikën hyrëse në Ballkanin Perëndimor dhe më gjerë, është një pikë kyç në Mesdhe dhe në Europë. Ju inkurajoj të investoni në Shqipërisë sepse keni një udhëheqje të fortë dhe nuk flas vetëm sepse është miku im por se ka sjellë rezultate. Dhe në dy vitet që vijnë, duke qenë se ka një mandat të qartë, do të jenë pjesë e BE-së. Ndërkohë Rama kërkoi të çelet një epokë e re për Europën.