Kryeministri Albin Kurti ndërpreu një mbledhje të rëndësishme në Prishtinë me përfaqësues të Bashkimit të Sindikatave të Pavarura të Kosovës dhe u nis me urgjencë drejt Tiranës, ku zhvilloi një takim kokë më kokë më kryeministrin Edi Rama. Dy homologëve qëndruan për më shumë se dy orë në vilën qeveritare 31 në Tiranë, ndërkohë që ende nuk ka një njoftim zyrtar nga ana e dy qeverive për detajet e këtij takimit urgjent. Por burime të ndryshme bënë me dije se, kreu i qeverisë shqiptare dhe kryeministri Albin Kurti folën për një sërë cështjesh, duke nisur nga sulmet kibernetike nga një grup hakerash të Republikës Islamike të Iranit, e deri tek deri tek rezoluta e miratuar në Kuvend kundër raportit të Dick Marty-t, ku kryeministri Edi Rama do t’i drejtohet Këshillit të Evropës me një fjalim më 12 tetor.