Besimi i qytetarëve qoftë tek partitë politike po ashtu edhe tek parlamenti është relativisht i ulët. Kjo u reflektua edhe në pjesëmarrjen e ulët në procesin e fundit elektoral në pesë bashki të vendit. Megjithatë të dhënat e anketës së këshillit të bashkëpunimit rajonal, flasin për një distancim të qartë të qytetarëve nga politika. Sipas të dhënave, 84.2 për qind e qytetarëve shqiptarë të anketuar në vitin 2025 thonë se nuk kanë fare besim tek partitë politike dhe vetëm 15 për qind prej tyre u besojnë programeve të tyre dhe ndërmarrjet politike. Sa i takon aktivitetit parlamentar, nismave ligjore të propozuara dhe miratuara në kuvend; të dhënat tregojnë se 71.3 për qind e qytetarëve nuk kanë besim tek përfaqësimi që deputetët u bëjnë qytetarëve në foltoren e parlamentit. Shoqëria civile është ajo që i ndan qytetarët në 49.7 për qind që nuk i besojnë vokacionit të tyre publik dhe aktivizmit social dhe 46.4 për qind që kanë besim.