Qeveria shqiptare ka përcaktuar këtë të premte procedurat për faljen e të gjitha gjobave të paekzekutuara që janë vendosur për ndërtime pa leje, për shkelje të sigurisë ushqimore dhe shëndetësore, por edhe gjobat e vendosura nga policia e shtetit dhe policitë bashkiake. Vendimi i qeverisë ndërmerret në bazë të ligjit të miratuar më 20 dhjetor të vitit të kaluar për shfuqizimin e gjobave të pambledhura në periudhën 1 janar 2015 deri në 30 nëntor të vitit 2024. Falja e gjobave zbatohet vetëm për masat që janë vendosur ndaj individëve apo bizneseve për ndërtim pa leje për qëllime banimi, apo objektesh me veprimtari prodhimin, magazinimin, përpunimin dhe ruajtjet e produkteve bujqësore e blegtorale.