Janë bërë publike vendimet e marra këtë të premte nga Këshilli i Ministrave. Në faqen zyrtare të kryeministrisë bëhet me dije se është shkarkuar nga detyra drejtori i përgjithshëm i agjensisë kombëtare të mjedisit, Edison Konomi dhe është zëvëndësuar nga Arta Dollani.Një tjetër zëvëndësim ka ndodhur edhe në drejtorinë e përgjithshme të burgjeve. Agim Ismaili, drejtor i Përgjithshëm i Burgjeve është shkarkuar nga kjo detyrë dhe në vendin e tij është emëruar Admir Abrija. Është miratuar buxheti për autoritetin e komunikimeve elektronike e postare, për vitin 2022. Një tjetër vendim ka qenë ai për shpenzimet e AKEP për vitin 2022, që do të jetë në shumën 384 miliardë e 700 milionë lekë. Është miratuar në parim marrëveshja për ndërlidhjen e skemave për identifikimin elektronik të shtetasve të Ballkanit Perëndimor. Këshilli i ministrave gjithashtu vendosi miratimin në parim të marrëveshjes, për kushtet për akses të lirë në tregun e punës në ballkanin perëndimor. Të gjitha vendimet kanë hyrë menjehrë në fuqi dhe janë publikuar në fletoren zyrtare.