74 vjecari Hekuran Gjoni, i cili pas një konflikti për motive të dobëta vrau djalin e tij Asim Gjoni me mjet prerës u vendos në pranga nga policia e Tiranës. I moshuari përpara policisë e ka pranuar krimin, duke thënë se djali e bullizonte, për këtë arsye e vrau me thikë. Sipas tij, teksa po darkonin mbrëmjen e së shtunës, djali nisi ta tallte dhe se aty ka nisur debate mes tyre që degradoi në përplasje fizike. Autori shtoi se fillimisht i gjuajti me shuplakë të birit dhe se ky i fundit I gjuajti edhe atij, madje edhe vajzës. “Në këtë moment mua mu errësuan sytë dhe u ngrita mora thikën dhe e godita djalin”, ka thënë autori për grupin hetimor. Ngjarja ndodhi rreth orës 19.00 brenda banesës së familjes Gjoni te Kodra e Priftit.