Presidenti rus Vladimir Putin, tha të martën se cdo mobilizim i mëtejshëm trupash do të varej nga ajo që Rusia do të donte të arrinte në luftën në ukrainë, duke shtuar se ai përballej me një pyetje që vetëm vetë mund ti jepte përgjigje; a duhet të tentojë rusia sërish të marrë Kievin? Më shumë se 15 muaj që kur Putin dërgoi trupat në Ukrainë, forcat e të dyja vendeve përballen me artileri, tanke dhe dronë përgjatë një vije fronti 1 mijë km të gjatë edhe pse larg nga kryeqyteti Kiev. Pasi përdori fjalën “Luftë” disa herë, Putin, lëshoi një seri paralajmërimesh për perëndimin duke sugjeruar se rusia mund të imponojë një ‘zonë sanitare’ në Ukrainë për të parandaluar vendin që të sulmojë Rusinë dhe tha se moska po konsideronte mundësinë e braktisjes së marrëveshjes së drithit, në detin e zi, edhe një herë.