Kosova është shprehur hapur dhe qartë kundër agresionit rus në Ukrainë dhe i është bashkuar pa as më të voglin hezitim sanksioneve të perëndimit ndaj rusisë. Por, Kosova, ndryshe nga Shqipëria, nuk rezulton në listën e shteteve armike të rusisë. Të hënën, Moska publikoi listën e vendeve armike, ku përfshihej edhe shqipëria, Mali i zi, maqedonia e veriut etj, pasi këto të fundit iu bashkuan BE-së në vendosjen e sanksioneve ndaj rusisë. Por kosova, nuk ishte pjesë e listës, thjeshtë për shkak se Moska nuk e njeh pavarësinë e saj. E madje duke e konsideruar ende pjesë të Serbisë, Rusia e klasifikon kështu Kosovën, vend mik. Mediat kosovare shkruajnë se kur Vladimir Putin, urdhëroi administratën për të përgatitur listën e vendeve armike, kosova nuk u përfshi për arsyen e thënë më lart. Rusia dhe Kosova nuk kanë marrëdhënie mes tyre edhe pse Rusia ka një zyrë ndërlidhëse në Kosovë. Lista e vendeve armike të Rusisë sidoqoftë, kryesohej nga SHBA, vendet e BE, Britania e madhe, Kanadaja, australia, japonia, e madje edhe zvicra neutrake. Të gjitha këto vende, vendosën sanksione ndaj rusisë menjëherë pasi ajo nisi sulmin në Ukrainë, më 24 shkurt.