Rusia është akuzuar se po ndërhyn në rrjetin global të navigimit GPS gjatë stërvitjeve të mëdha që po mbahen në vendet nordike. Autoritetet evropiane të aviacionit kanë thënë se sinjalet, që përdoren shumë nga avionët komercialë, janë prekur nga finlanda, deri në mesdhe e madje edhe deri në Irak. Problemet në sistemin global të navigimit satelitor, GNSS, që përfshin edhe GPS, po shkaktohen nga bllokime apo ndërhyrje në sinjalet e satelitëve. Që kur lufta shpërtheu më 24 shkurt, problemet janë intensifikuar në zonat gjeografike përreth zonës së konfliktit dhe zona të tjera po ashtu -= tha agjencia evropiane e sigurisë ajrore. Ajo shtoi se problemi ishte konstatuar në enklavën ruse të Kaliningradit, në Balltik, në finlandën lindore, në detin e zi, në mesdheun lindor dhe irakun verior. “Pasojat e këtyre problemeve janë vëzhguar nga avionët në faza të ndryshme të fluturimit të tyre, në disa raste duke cuar në ndryshim drejtimi apo edhe në ndryshim destinacioni për shkak të pamundësisë për një procedurë të sigurt të uljes në pistë”, tha agjencia që sidoqoftë shtoi se nuk kishte shumë gjasa që të nevojitej një pezullim i operacioneve të fluturimit.