Shefi i Agjencisë Qendrore të Inteligjencës në Shtetet e Bashkuara, Ëilliam Burns, tha se Rusia nuk është serioze për zhvillimin e negociatave për t'i dhënë fund luftës në Ukrainë. Këto ishin komentet e tij të para publike që nga takimi me homologun e tij rus, Sergey Naryshkin, në Turqi, gjatë muajit të kaluar. I pyetur nëse moti i ftohtë i dimrit mund të ngadalësojë luftimet dhe të hapë mundësinë për bisedime, Burns tha se ata vlerësojnë se rusët nuk janë seriozë në këtë pikë për "negociata të vërteta".Takimi i 14 nëntorit mes Burns dhe Naryshkin, shënoi takimin më të lartë ballë për ballë midis zyrtarëve amerikanë dhe rusë, që para shkurtit, kur Rusia nisi pushtimin e Ukrainës. Në fillim të kësaj jave, Rusia tha se SHBA-ja nuk kishte "qasje konstruktive" ndaj bisedimeve. Në fillim të dhjetorit, presidenti amerikan, Joe Biden, tha se është i gatshëm të flasë me homologun e tij rus, Vladimir Putin, nëse ai vërtet dëshiron t'i japë fund luftës. Më herët, nderkohe, uashingtoni kish thënë se ishte në interesat e tij mbajtja e kontakteve me Kremlinin.