Presidenti rus Vladimir Putin nënvizoi rëndësinë e mësimit të versionit të historisë të miratuar nga Kremlini duke thënë se shumë fëmijë në Ukrainën lindore nuk e dinë se Ukraina dhe Rusia dikur kanë qenë pjesë e të njëjtit vend. Putin u takua me nxënës shkolle nga e gjithë rusia, në një klasë në Kaliningrad, për të folur në hapje të vitit të ri shkollor. Dhe nuk e humbi atje mundësinë për të thënë se ai ishte detyruar të dërgonte trupa në Ukrainë për të mbrojtur rusisht-folësit. Në një bisedë që zgjati për një orë, Putin tha se ai ishte shokuar pasi kishte zbuluar se fëmijët në ukrainën lindore nuk e dinin se vendi i tyre kishte qenë pjesë e bashkimit sovjetik, bashkë me rusinë, dhe se korrigjimi i kësaj mangësie, është një detyrë jetësore. Putin, e quajti valën e protestave që rrëzoi presidentin pro rus të ukrainës nga pushteti në 2014-ën, një grusht shteti.