Rusia ka nisur këtë të martë fushatën më të madhe të rekrutimit që nga fillimi i luftës në Ukrainë, për të forcuar ushtrinë ruse. Sipas agjencisë ruse të lajmeve Interfax, Putin ka urdhëruar që të thirren edhe 160,000 burra të tjerë rusë midis moshës 18 deri në 30 vjeç, sipas një dekreti të nënshkruar nga Presidenti, që do të përfundojë deri më 15 korrik. Sipas ushtrisë, këta rekrutë të rinj nuk do të dërgohen në Ukrainë, por do të shërbejnë nga 1 prilli deri më 15 korrik të këtij viti. Kjo fushatë organizohet dy herë në vit, në pranverë dhe në vjeshtë. Fushata e pranverës përfshiu 150,000 të rinj në vitin 2024 dhe 147,000 në 2023, sipas agjencisë ruse të lajmeve Tass.