Presidenti turk Tajip Erdogan i ka thënë presidentit rus Vladimir Putinit se Ankaraja mund të ndihmojë në përfundimin e konfliktit në Ukrainë. Por një zëdhënës i presidentit rus duket se e hodhi poshtë sugjerimin, duke thënë se Erdogan nuk mund të vepronte si ndërmjetës në luftë. Duke folur me Putinin në margjinat e një samiti të sigurisë në Kazakistan, të mërkurën, Erdogan tha se besonte se një paqe e drejtë ishte e mundur, me një rezultat që u përshtatet të dyja palëve. Zëdhënësi i Kremlinit Dmitry Peskov më vonë përjashtoi çdo rol si ndërmjetës për liderin turk. "Jo, nuk është e mundur," tha Peskov për agjencinë ruse të lajmeve TASS. Nuk ishte e qartë pse Rusia ishte kundër pjesëmarrjes së Erdogan, i cili është përpjekur të mbajë marrëdhënie të mira me Rusinë dhe Ukrainën gjatë gjithë konfliktit. Turqia, nuk ka vendosur sanksione mbi rusinë, pas fillimit të pushtimit të ukrainës, më shumë se dy vite e gjysmë më parë, ndërkohë që ka furnizuar në anën tjetër me dronë luftarakë ukrainën, në fillimet e luftës. Vetë erdogan, duke patur parasysh edhe lidhjet e tij me Putinin, ka hedhur edhe më herët idenë e vendosjes së tij në rolin e ndërmjetësuesit, por nuk ka patur deri më tani një reagim të qartë për këtë cështje.