Tre gra kanë mbetur të plagosura mëngjesin e të shtunës në Fier, si pasojë e një aksidenti në aksin Pojan-Levan. Në ngjarje u përfshinë dy automjete, ku një fuoristradë tip 'Nisan', goditi nga pas një automjet tip 'Volksvagen', duke përfunduar të dyja jashtë rrugës. Të plagosura mbetën tre gratë në automjet, nënë e bijë dhe shoqja e vajzës, të cilat sipas policies, ndodhen jashtë rrezikut për jetën. Automjeti drejtohej nga bashkëshorti, i cili ka marrë dëmtime të lehta. Nga hetimet paraprake drejtuesi i fuoristradës mendohet të jetë edhe shkaktar i përplasjes. Nga pamjet e siguruara, në makinat e akisdentuara shfaqen valixhe me rroba e mjete të tjera, që tregojnë se personat që u përfshinë në aksident, ishin nisur ose po ktheheshin nga pushimet. Policia vijon hetimet për zbardhjen e plotë të rrethanave që cuan në këtë ngjarje.