Kryebashkiaku I Tiranës Erion Veliaj inspektoi punimet që po kryen në Rrugën e Saraçëve”, aks ky që lidh dy prej zonave më të populluara të qytetit, “Rrugën e Dibrës” dhe Pazarin e Ri. Në fjalën e tij, numri një i Bashkisë Tiranë u shpreh se rruga e “Saraçëve” është historike për Tiranën dhe se ky realitet po ndryshon, për shkak të infrastruktës së re. “Rruga e “Saraçëve” është një rruge historike e Tiranës, por duhet të pranojmë se edhe ky realitet po ndryshon. Nga njëra anë, kemi pallatet, disa janë ndërtuar në kohën e komunizmit, disa të tjera në vitet 90-të, nga ana tjetër, disa shtëpi të vjetra. Praktikisht, këtu bashkohen dy pjesë të Tiranës, Tirana e vjetër me Tiranën e re. Janë dy realitete që kanë nevojë të kenë të njëjtën cilësi në infrastrukturë”. Kryebashkiaku dha lajmin e mirë se javën e ardhshme do hidhet shorti për 159 apartamente të tjera në lagjen e re “5 Maji”, që janë gati për të mirëpritur 159 familje.