27 tonë fileto pule e importuar nga Brazili dhe e infektuar me salmonelë dyshohet se është hedhur në treg nga kompania importuese, pa pritur analizat e Autoritetit Kombëtar të Ushqimit. Burime të Top Channel pohojnë se analizat konfirmuan praninë e bakterit Salmonella Tifimorium. Ngarkesa ka mbërritur në Portin e Durrësit në datën 11 mars. Kontejnerët nuk janë kontrolluar nga dogana e Durrësit dhe as analizat higjieno-sanitare dhe për ngarkesa bakterologjike nuk janë kryer, pasi ngarkesa ishte tranzit drejt doganës së Tiranës për zhdoganim.