Ministri I Mbrojtjes Niko Peleshi në një dalje për mediet nga Spitali ku po trajtohen 2 ushtarët e lënduar nga shtetasit rus e ukrainas, u shpreh se gjendja e dy ushtarakëve është e mirë dhe pritet të lënë spitalin, Duke u ndalur tek ngjarja e rëndë, ministri u shpreh se po hetohet për spiunazh, duke treguar edhe arsyet pse kjo pistë. “Nuk mund të them nëse janë blogerë apo jo. Kemi të bëjmë me një ngjarje se ka dhunë brenda. Nuk bëhet fjalë për një protestë të ligjshme, janë futur në një ambient ku nuk duhet të lejohet të futen. Kemi të drejtë të dyshojmë për spiunazh, pasi çdo shtetas i huaj që futet në një zonë ushtarake për të fotografuar dyshohet për spiunazh”. Ndërkohë lidhur me ngjarjen ka reaguar edhe Presidenti Begaj, i cili shprehet se është në kontakt me të gjitha autoritetet dhe kërkon hetim deri në zbardhjen e plotë të ngjarjes. Ndërkohë nga ana tjetër, ish-kryeministri Berisha e konsideron si akt terrorist të spiunazhit rus e për këtë kërkon që Shqipëria të rivendosë regjimin e vizave për rusët.