Presidenti Bajram Begaj mbrojti dekretin për shpalljen e zgjedhjeve të parakohshme vendore edhe për Bashkinë e Tiranës. Ai tha në Top Story me Grida Dumën se vendimi është konsultuar gjërësisht dhe janë marrë në konsideratë këndvështrimet pro dhe kundër. Presidenti tha se dekreti i tij nuk mohon të drejtën e Veliajt për t’u ankuar në Kushtetuese. Sinkron Begaj - Qeveria nga ana e saj në vendimin e shpallur merr në analizë si shkak, jo shkakun politik të lidhur e nenin 115 të Kushtetutës e cila thotë “për shkelje të rënda të Kushtetutës dhe ligjeve”, por thotë që shkarkimi nga detyra i kryetarit të bashkisë është bërë me motivacionin e mosparaqitjes në detyrë. Pra kemi të bëjmë me nenin 62 pika c. Patjetër që kjo dileme është konsultuar me ekipin tim dhe janë marr në analizë çdo pretendim në media apo i palëve të caktuar A, i cili pas një diskutimi tepër aktiv më siguruan që duke respektuar parimet kushtetuese, presidenti duhet të ushtrojë kompetencën kushtetuese për nxjerrjen e dekretit për zgjedhje të parakohshme. Patjetër me nxjerrjen e dekretit për zgjedhjet e parakohshme nuk i është mohuar e drejta palëve për të çuar në instancat ligjore çdo pretendim të mundshëm por Gjykata Kushtetuese shprehet me vendim dhe një vendim i tillë mesa di unë akoma nuk është marrë.