Asambleja Kombëtare është organi i dytë më i rëndësishëm i Partisë Socialiste, pas Kongresit. Nisur nga kjo, Rama ka thirrur këtë të mërkurë Kryesinë e Partisë Socialiste, e cila do të vendosë për mbledhjen e Asamblesë por edhe për të diskutuar mbi procesin e zgjedhjes së Presidentit të Republikës. Mësohet se mbledhja do të mbahet në orën 18:00, dhe vjen në një kohë kur priten edhe propozimet për Presidentin, të cilat do të ketë një kohë diskutimi prej disa minutash. Por cilat janë vendimet që pritet të merren në Asamblenë e PS, pikënisja e të cilave ishte në Kongresin e 9 prillit? Në këtë kongres u miratuan ndryshimet statutore që nga mënyra e zgjedhjes së kryetarit të partisë në rang bashkie, ku për herë të parë do të merret mendimi i qytetarëve të zonës, e deri tek shkarkimi në bllok i 61 kryetarëve aktualë të PS.