Vendimi i Gjykatës së Strasburgut, që e konsideron vrasjen e Aleks Nikës më 21 janar të vitit 2011 një vrasje shtetërore dhe akuzon strukturat shtetërore se jo vetëm nuk e hetuan thelbësisht këtë dosje, por madje e penguan hetimin, mund të rihapë çështjen këtë herë në prokurorinë e posaçme. Kjo është edhe pritshmëria e të afërmve të të ndjerit, Aleks Nika. Xhaxhai i Aleks Nikës, Mark Nika foli për Breaking me Fiori Dardhën. Ai foli për prova që ata i kanë siguruar përmes mbrojtjes, në të cilat zbardhen urdhëruesit dhe ekzekutuesit e vrasjes. Sinkron xhaxhai i Aleks Nikës – Do të jetë një akt që do të detyrojë politikën, gjykatën që ta zbatojnë…ne nuk kemi besim te prokuroria e tiranës. duam që këtë dosje ta marrë SPAK…detaj është ky që identifikohet ndrea prendi kur ka dhënë urdhër qëlloni në mish pasi ka dalë nga zyrat e qeverisë. Gjykata e Strasburgut zbardhi këtë të martë vendimin për vrasjen e Aleks Nikës, e vetmja vrasje nga 21 Janari që nuk ka ende një autor.