Banorët e zonës së ish-kënetës, njohur ndryshe si Durrësi i Ri, dolën në protestë këtë të enjte. Ata kërkuan zgjidhje pas përmbytjeve të përsëritura pasi dëmet në banesat e tyre kanë qenë të shumta. Vetëm gjatë këtij viti ata treguan se janë përballur 2 herë me të njëjtën situatë. Njëherë më 29 janar dhe hera e dytë më 11 shtator, ku uji përfshiu katet e para të banesave të tyre si pasojë e reshjeve intensive. Ata i kanë kërkuar bashkisë Durrës ndërhyrje urgjente dhe një zgjidhje afatgjatë për problemin e tyre të përsëritur.